Биелердің жыныстық безінің фолликулярлық күлдіреуіктерін емдеу тәсілдерінің салыстырмалы бағалау

Abstract

Мақалада биелердің жыныстықтық безі фолликулиярлық күлдіреуігін емдеу нобайы құрастырылып, тимділігі жөнінде мәліметтер келтірілген. Зерттеу жұмыстары 2018-2020 жыл аралығында жүргізілді. Зерттелінген 132 бас биенің ішінен жыныстық безінің күлдіреуігі бар 19 бас бие анықталды. Жыныстық безінің күлдіреуігі бар биелерді үш топқа бөлдік. Емдеу жұмыстарына дәрі-дәрмектен бірге лазер сәулесі пайдаланды. Емдеу нәтижелерін анықтау үшін тік ішектік және ультрадыбыстық зерттеуді пайдаландық. Үш түрлі емдеу үлгісін құрастырдық. Барлық ем он күнге созылды. Бірінші топта бірінші және оншы күні Овариовит 10 мл бұлшық етке, екінші күні Сурфагон 25 мкг бұлшық етке, тоғызыншы күні Эстрофан 500 мкг бұлшық етке, 5% АСД-2ф 2,4,6,8 күндері тері астына 20 мл ден салдық. лазер сәулесін бірінші күннен бастап жетінші күнге дейін үздіксіз 7 күн сегіз көздің үстінгі жағындағы белсенді нүктеге қолдандық. Екінші топта бірінші және оншы күні Овариовит 10 мл бұлшық етке, екінші күні Фертагил 25 мкг бұлшық етке, тоғызыншы күні Магэстрофан 3 мл бұлшық етке, 5% АСД-2ф 2,4,6,8 күндері тері астына 20 мл ден салдық. лазер сәулесін бірінші күннен бастап жетінші күнге дейін үздіксіз 7 күн сегіз көздің үстінгі жағындағы белсенді нүктеге қолдандық және емдеудің басталып аяқталғанға дейін күнне 15 шақырым желдірте жүргіздік. Үшінші топта бірінші және оншы күні Овариовит 10 мл бұлшық етке, екінші, төртінші, алтыншы күндері Ихглюковит 20 мл бұлшық етке, Гонадин екінші күні 25мкг бұлшық етке, Динолитик 500мкг тоғызыншы күні бұлшық етке, Лазер сәулесін бірінші кннен бастап жетінші күнге дейін үздіксіз 7 күн сегіз көздің үстінгі жағындағы белсенді нүктеге қолдандық.