F-0319 tryhophyton sarkisovii штамынан дайындалған вакцинаның емдік мөлшерінің әсері және трихофитиямен ауырған түйелердің қан құрамы

Abstract

Статистика комитетінің 2023 жылдың алты айындағы мәліметі бойынша Қазақстанда 360,8 мың түйе бар [1]. Қазіргі уақытта аса қауіпті саңырауқұлақ ауруы, ауыл шаруашылығы малдарының арасында, әсіресе жас төлдер арасында кең көлемде таралған. Бұл індет соңғы уақытта ассоциацияланған түрде де жиі кездесуде. Сондықтан ауыл шаруашылығы, соның ішінде түйе дерматомикоздарын (трихофития мен микроспория) алдын алу және емдеу үшін аталмыш аурудан сақтау және қолданыстағы вакциналық препараттарды жетілдіру, елдің ұсақ және ірі фермерлік мал шаруашылықтарын дамыту үшін қажетті шарт болып табылады. Жануарлардың дерматомикоздық індетін алдын алу, балау және оның жойылуы бюджет қаражаты есебінен жүзеге асырылатын аса қауіпті аурулар тізімінде тұр (Қазақстан Республикасы Ауыл шаруашылығы министрінің 2014 жылғы 30 қазандағы №7-1/559 бұйрығына сәйкес 5-қосымша) [2]. Қазіргі уақытта біз ауыл шаруашылығы жануарларының дерматомикоздарына қарсы жетілдірілген поливалентті инактивирленген вакцина дайындау технологиясын әзірледік. Ол аурудың алдын алу (емдеу) мәселелерін шешуге мүмкіндік береді, бұл Қазақстан Республикасындағы дерматомикоз бойынша эпизоотологиялық жағдайдың жақсаруына ықпалын тигізіп, тосқауыл бола алады және сайып келгенде жоғары санитарлық сапалы қауіпсіз мал шаруашылығы өнімдерін (шұбат, түйе еті және тері мен жүні) алуға мүмкіндік береді.