ТОПЫРАҚТЫ НЕГІЗГІ ӨҢДЕУДІҢ ТЕХНОЛОГИЯЛЫҚ ОПЕРАЦИЯЛАРЫН ЖҮРГІЗУГЕ АРНАЛҒАН ӨҢДЕГІШ ҚҰРАЛДАРДЫ АГРЕГАТТАП ҚОЛДАНЫЛАТЫН ҚУАТЫ 200-400 КВТ., РЕСЕЙЛІК ЖӘНЕ ШЕТЕЛДІК ТРАКТОРЛАРДЫ ТАЛДАУ

Abstract

Топырақты негізгі өңдеу технологиялық операцияларын жүргізу үшін, қуаты әр түрлі белгілі бір құрылымдық орындау ерекшелігі бар жылжымалы машина-трактор агрегаттармен агрегатталатын, энергетикалық қондырғылар (тракторлар) мен топырақ өңдегіш құралдар қолданылады. Бұл ретте, өсімдік шаруашылығындағы ең көп еңбек сиымдылығын қажет ететін операция – топырақты негізгі өңдеу, оның орындалуына 40% жуық барлық материалдық және энергетикалық шығындар жұмсалады [1,4,6] оған негізінен қуаты 200-400 кВт [9,10,16] тракторлар қолданылады. Бұл тракторлар алыс-жақын шетелдерден және Ресейдің Петербург трактор зауытынан шығарылады. Ауылда механизаторлардың жетіспеушілігі жағдайында ауыл шаруашылығы өндірісінің тиімділігін арттыру үшін қазіргі заманғы жоғары технологиялық тракторларды пайдалану қажет. Қазіргі уақытта Қазақстанның алқаптарында ресейлік және шетелдік қуаты 200-400 кВт қазіргі заманғы тракторлар кеңінен қолданыла бастады. Алыс және жақын шетелдерден Қазақстанға бірнеше жиынтықта тракторлар келіп түседі. «МТЗ» ААҚ-ның танымал компаниясы қазіргі уақытта «МТЗ-ХОЛДИНГ» құрылымына кіреді және тек ТМД елдерінде ғана емес, бүкіл әлемде де ауыл шаруашылығы техникасының ірі өндірушілерінің бірі болып табылады. Компания 60-тан астам мемлекеттің рыноктарында құрастыру өндірістеріне ие және белсенді қызмет атқарады.