"Фецулен" азықтық қоспасын қолданған құс етінің ветеринарлық санитарлық көрсеткіштері [Текст]

Abstract

Мақалада рационына «Фелуцен» минералды азықтық қоспасы пайдаланылған құс етінің ветеринариялық санитариялық көрсеткіштері анықталған. Алынған өнімдерді сезімдік зерттеу барысында барлық ұшалар иісі –өзіндік, түсі өзіне тән, консистенциясы тығыз. Қайнату сынамасы бойынша ешқандай бөгде иістер байқалған жоқ. Сорпаның иісі мен түсі, мөлдірлігі балауса құс етіне тән. Тексерілген құс ұшаларының физикалық, химиялық көрсеткіштері бойынша: пероксидаза реакциясы оң, рН-5,8, сорпадағы ақзаттың алғашқы ыдырауынан пайда болған заттарды анықтау кезінде сорпасы мөлдір күйінде қалды. Еттің тағамдық құндылығы оның химиялық құрамына, яғни ақзат, май, көмірсу, минералды заттар, дәрумендер мөлшеріне байланысты екені белгілі, сол себептен оларды анықтау аса маңызды зерттеулерге жатады. Біздің зерттеу жұмыстарымызда май мөлшері тәжірибе тобында 14,0 %, бақылау топтарында 14,8 %-ға яғни тәжірибе тобында 0,8 %-ға артқаны белгілі болды. Кестеде байқап отырғанымыздай 100 г еттің қуаттылығы тәжірибе тобында 145,2 ккал болса, бақылау тобында бұл көрсеткіш 143,0 ккал екені анықталды.