Батыс Қазақстан облысының жайылымдарын суландыру

Abstract

Мал шаруашылығы ауыл өндірісінің басым бағыттарының бірі болып табылады. Жайылымдық жерлерді пайдалануды кеңейту мақсатында Батыс Қазақстан облысында жайылымдарды суландыру инфрақұрылымын құру және мал шаруашылықтарын сумен қамтамасыз ету бойынша айтарлықтай жұмыстар жүргізілуде.Қалыптасқан әлеуметтік-экономикалық жағдайларда Батыс Қазақстан облысында жайылымдарды суландыруды жандандырмай тұрақты және жоғары өнімді ауыл шаруашылығы өндірісін құру іс жүзінде мүмкін емес.Мақалада Батыс Қазақстан облысының жайылымдарының жай-күйі туралы статистикалық мәліметтер қарастырылған. Суландыру көздері ретінде облыстағы өзендер, каналдар, тоғандар, су қоймалары түріндегі ашық су көздері және жер асты сулары туралы мәліметтер зерделенген.Талдау көрсеткендей, облыстың дала және құрғақ дала аймағы өзендерді, каналдарды қамтитын жайылымдарды суландырудың ашық су көздерін пайдаланумен сипатталады. Шөлейт және шөл аймақта жайылымдарды суландыру негізінен жер асты суларын пайдалану есебінен жүзеге асырылады. Суару-суландыру жүйелерінің әсер ету аймағына іргелес аумақтарда жануарлардың орналасу орындарын қамтамасыз ету оларда суару алаңдарын орната отырып, жер тоғандарын орнату арқылы шешіледі. Бұл шешім іс жүзінде негізделген және тұтынушылар үшін үнемді, дегенмен судың тиісті сапасын үздіксіз ұстап тұруға байланысты мәселелер туындайды.