Ауылшаруашылық машиналарын пайдалану

Abstract

«Ауылшаруашылық машиналарын пайдалану» оқу құралы ауылшаруашылығы саласындағы машиналар мен саймандарды ғылыми тұрғыда олардың конструкциялық ерекшеліктері туралы және сол секілді жер жыртуда, топырақты өңдеуде, отамалы дақылдарының қатар аралықтарын өңдеуде, сүдігер жыртуда және т.с.с. технологиялық операцияларда тиімді пайдалану туралы толық мәліметтер береді. Сонымен қатар заманауи үлгідегі ауылшаруашылық машиналардың ерекшеліктері, олардың артықшылықтары және жұмыс істеу қағидаттарына орайластырылған басқару жүйелері секілді, цифрлық технологиямен басқарылатын тораптары, механизмдері және жүйелері туралы мәліметтер қамтылған. Оқу құралы – ауылшаруашылық машиналарының бірнеше операцияларды қамтитын түрлері агрегатталатын машиналар кешені, олардың сапалы жұмысын сипаттайтын көрсеткіштер, егіншілік саласындағы озық технологиялар туралы бөлімдерді қамтиды, сол секілді ауылшаруашылық машиналарын пайдалану және т. б. жаңашылдықтар туралы толық мәліметтер келтірілген. Өсімдік шаруашылығы өнімдерін өндірудің прогрессивті технологиялары, ресурс үнемдейтін ауылшаруашылық машиналары агрегаттарын пайдаланудың қазіргі заманғы әдістері, негізгі механикаландырылған жұмыстарды орындаудың операциялық технологиялары және машиналары туралы баяндалған. Оқу құралы «Аграрлық техника және технология» «Агрономия», «Өсімдіктерді қорғау және карантин», «Топырақ және агрохимия» білім беру бағдарламалары бойынша білім алушыларға арналған. Сонымен қатар осы бейінде білім алатын колледж студенттеріне арналған.