Борсық етінің сапалық көрсеткіштері [Текст]

Abstract

Мақалада борсық етінің сапалық көрсеткіштері келтірілген. Борсық сойылатын жануарлар болып табылмағанымен, оны аңшылар мен саятшылар аулап алып, тағам ретінде пайдалануда. Осыған байланысты борсық етінің сапасын анықтау уақыт талабы. Тақырып бойынша борсық етінің химиялық құрамы, қуаттылығы, дәрумендері мен микро-макро элементтерінің мөлшері заманауй жабдықталған құрал-жабдықтармен қамтамасыз етілген «Нутритест» зертханасында анықталып, нәтижесі шошқа етімен салыстырыла отырып зерттелді. Зерттеу нәтижесі бойынша борсық етіндегі нәруыз мөлшері доңыз етіндегі мөлшерден 2,2% кем болса, май мөлшері 4,4% жоғары, ал ылғалдылығы 2,3% төмен екендігі анықталды. Ал, зерттеу нәтижелері бойынша борсық етінің құрамында тексерілген барлық микро (темір, йод, мырыш), макроэлементтер (натрий, калий, кальций, магний және фосфор) мен дәрумендерінің (Е, В1, В2, РР) мөлшері шошқа етінің құрамындағы мөлшерден жоғары. Сондықтан, борсық етінің тағамдық құндылығы жоғары, сапалы өнім екендігі анықталды.