Микросателлитті маркерлерді қолдану арқылы қазақ ақбас тұқымының генетикалық сипаттамасын жасау

Abstract

Зерттеу нәтижесінде Батыс Қазақстан облысының «Айсұлу» және «Дөңгелек» ШҚ-ның 2019 және 2020 жылғы қазақ ақбас тұқымының бұқашықтарының популяциялары генотипирленіп, оллардың микросателлитті маркерлері бойынша генетикалық әртүрлілігі анықталды. 15 микросателлитті локус қарастырылып, жоғарыда аталған көрсеткіштер есептелді. Соның нәтижесінде, ең жоғарғы орта күтілетін гетерозиготалылық деңгейі 0,706 тең болса, ең төмені 0,623 тең болды, бақыланатын гетерозиготалылықтың жоғары көрсеткіші 0,741 көрсетсе, төменгісі 0,607 қамтыды. Фиксация индексінің ең тиімді мәні минус 0,883 тең болды, бұл гетерозиготалар санының көптігін, яғни генетикалық әралуандылықты білдіреді. Мұндағы полиморфтылық деңгейінің ең жоғарғы көрсеткіші 3,871 болып, оның әртүрлі ішкі генетикалық құрылымын көрсетті, бұл популяция жануарларының генетикалық алуантүрлі материалдың резервуары екенін білдіреді. Осындай әдіспен, қазақ ақбас тұқымының ДНҚ полиморфизмінің негізгі сипаттамалары анықталып популяция аралық талдау жасалды.